पुण्याचे भाजपचे शहराध्यक्ष जगदीश मुळीक यांना कोरोनाचा संसर्ग झाला असल्याचे त्यांनी स्वतः ट्विट करून सांगितले आहे.
मी कोरोना पॉझिटिव्ह आहे. मात्र तुमच्या सर्वांच्या सहकार्याने लवकरच तुमच्या सेवेसाठी रुजू होईल.असे ट्विट मुळीक यांनी केले आहे.
'त्यानं' मला गाठलं याचं दु:ख नाही. पण तुम्हा सर्वांपासून काही काळ दुर जावं लागणार याचं वाईट वाटतं आहे. मी #कोरोना_पॉझिटीव्ह असल्याचं आज स्पष्ट झालं.
आता युद्ध कोरोनाच्या विरोधात. आपल्या सर्वांच्या आशिर्वादाच्या बळावर मी लवकरच ठणठणीत होईनच. तोवर तात्पुरता राम राम घ्यावा. 🙏🏻 pic.twitter.com/eFPWpnecsw— Jagdish Mulik (@jagdishmulikbjp) September 5, 2020
पुण्यात कोरोनाचा प्रादुर्भाव मोठ्या प्रमाणावर वाढ झाली आहे. त्यात सामान्यांबरोबरच लोकप्रतिनिधींना ही कोरोनाने ग्रासले आहे. महापौर मुरलीधर मोहोळ यांच्यापासून सर्वांनाच कोरोनाने ग्रासले आहे.
आता पर्यंत महापौर मुरलीधर मोहोळ, आमदार सुनील टिंगरे, विरोधी पक्षनेत्या दीपाली प्रदीप धुमाळ, सभागृह नेते धीरज घाटे, स्वीकृत नगरसेवक गणेश बिडकर, पुणे शिक्षण मंडळाचे माजी अध्यक्ष बाबा धुमाळ यांच्यासह नगरसेवकांच्या कुटुंबातील सदस्यांनाही कोरोनाची लागण झाली होती. त्यांनी वेळीच उपचार घेऊन या आजारावर मात केली आहे.
आता भाजप अध्यक्ष जगदीश मुळीक यांना कोरोनाचा संसर्ग झाला असल्याने त्यांच्या संपर्कातील व्यक्तींनी आपली कोरोना टेस्ट करून घ्यावी, असे आवाहन मुळीक यांनी केली आहे.
