पुणे जिल्ह्यातील मुळशी तालुक्यातील डोंगरगाव व होतले येथील जमिनीची बेकायदेशीर विक्री केल्याप्रकरणी गोखले यांच्यासह आणखी दोन जणांवर गुन्हा दाखल करण्यात आला आहे.
गोखले यांच्यासह सुजाता फार्म लि. कंपनीचे संचालक जयंत म्हाळगी व सुजाता म्हाळगी यांच्यावर पौड पोलिस ठाण्यात गुन्हा दाखल करण्यात आला आहे.
प्लॉटधारकांना खोटे आमिष दाखवून त्यांची फसवणूक केल्याप्रकरणी अभिनेते विक्रम गोखले यांचा अटकपूर्व जामीन अर्ज फेटाळण्यात आला आहे.
अतिरिक्त सत्र न्यायाधीश एम. एम. देशपांडे यांनी हा आदेश दिला. न्यायालयाने यापूर्वी त्यांना अंतरिम जामीन मंजूर केला होता. मात्र, अंतिम निकाल देताना अर्ज नामंजूर केला आहे.
