नगर रोडवरील वाहतुकीतील बदल : प्रवाशांना दिलासा, पण स्थानिकांमध्य े नाराजी !

नगर रोड परिसर हे शहराचे महत्त्वाचे दळणवळण केंद्र मानले जाते. विमाननगर, कल्याणीनगर, वडगावशेरी, चंदननगर, सोमनाथनगर, येरवडा ते लोणीकंद पर्यंतचा हा परिसर अत्यंत गतिमान आणि सदैव वाहतूक भाराखाली असतो. याच पार्श्वभूमीवर वाहतुकीच्या सुरळीत नियोजनासाठी प्रशासनाने अलीकडेच काही महत्त्वपूर्ण बदल केले आहेत. हे बदल जरी शहरातून बाहेर पडणाऱ्या आणि येणाऱ्या प्रवाशांसाठी फायदेशीर ठरत असले, तरी स्थानिक नागरिक मात्र नाराज झाले आहेत.

🚧 वाहतुकीतील मुख्य बदल नेमके काय झाले आहेत?____नगर रोडवर वाहतूक सुरळीत करण्याच्या उद्देशाने पुणे ट्रॅफिक पोलिस आणि महापालिकेने पुढील बदल अंमलात आणले आहेत:

1. कल्याणीनगर व वडगावशेरी येथून मुख्य रस्त्यावर (नगर रोड) डायरेक्ट वळता येत नाही, वळणं बंद करण्यात आली आहेत.

2. सोमनाथनगर येथील जुन्या वळणांऐवजी नवीन मार्ग व फेरवळण लागू करण्यात आले आहेत.

3. जुना मुंढवा रोड आणि चंदननगर येथे पूर्णपणे सर्व वळण बंद करून, वाहनांना दीर्घ फेरफटका मारावा लागतो.

4. वन-वे योजना, उड्डाणपूल कामांमुळे पर्यायी मार्ग वाढले, पण स्थानिकांसाठी अधिक वेळखाऊ ठरत आहेत.

🧳 प्रवाशांना काय मिळतेय फायदा?

शहरातून बाहेर जाणाऱ्या, विमानतळाकडे किंवा नगर-शिक्रापूरकडे जाणाऱ्या प्रवाशांसाठी हे बदल फारच उपयुक्त ठरत आहेत.

ट्रॅफिक कोंडी कमी झाली आहे. प्रवासाचा वेळ अचूक होत आहे. अडथळा न लागता, वाहने अधिक गतीने जात आहेत.

स्मार्ट सिग्नल यामुळे विमानतळ, रेल्वे स्टेशन किंवा आयटी हबकडे जाणाऱ्या प्रवाशांना मोठा दिलासा.

एका प्रवाशाने सांगितले, “आधी विमान पकडताना धडपड व्हायची, आता वेळेवर पोहोचतो.”

🏘️ स्थानिक नागरिकांची नाराजी का?

तथापि, स्थानिक नागरिक, दुकानदार, दुचाकीस्वार, रिक्षाचालक या बदलांमुळे त्रस्त झाले आहेत. त्यांची प्रमुख तक्रारी :

दैनंदिन व्यवहारासाठी लागणारे वळण बंद, त्यामुळे २ मिनिटांचा रस्ता १० मिनिटांत पार करावा लागतो.

चंदननगर, सोमनाथनगरमधील शाळा, क्लिनिक, बाजारपेठा गाठायला आता मोठा फेरा मारावा लागतो.

दुचाकी व रिक्षा चालकांचा इंधन खर्च वाढला आहे.

छोटे दुकानदार म्हणतात, “ग्राहक पोहच त नाही, व्यापारावर परिणाम झालाय.”

🛠️ प्रशासनाकडून स्पष्टीकरण

> “ही वाहतूक सुधारणा शहराच्या दीर्घकालीन विकासाच्या दृष्टीने अत्यावश्यक आहे. काही दिवस त्रास होईल, पण पुढे जाऊन सगळ्यांना फायदा होईल.”

नगर रोड परिसरात वाहतुकीत बदल करणे गरजेचे होतेच. मात्र हे बदल फक्त प्रवाशांच्या सोयीसाठी न करता, स्थानिकांच्या दैनंदिन गरजांचाही विचार होणे गरजेचे आहे.

स्थानिकांसाठी लहान वाहनांना वळणांची मुभा वेळेस मर्यादित प्रवेश, प्रत्येक वॉर्डातील नागरिकांशी संवाद साधून नियोजन करणे हे उत्तम उपाय ठरू शकतात.

• शहराच्या गतीसाठी स्थानिकांच्या सहकार्याची गरज आहे, आणि त्यासाठी त्यांचा विश्वास जिंकणं तितकंच महत्त्वाचं आहे.