गुन्हे विषयक

आंबेगाव येथे तरुणाचा मृतदेह आढळला पोत्यात

पुण्यातील आंबेगाव खु येथील मुंबई- बंगरुळ महामार्गावर तरुणाचा खून करून मृतदेह पोत्यात टाकून खून झाल्याची घटना उघडकीस आली आहे. आंबेगाव येथील स्वामी नारायण मंदिरातजवळ सकाळच्या सुमारास ही घटना उघडकीस आली आहे. यामुळे परिसरात एकच खळबळ उडाली.

भारती विद्यापीठ पोलिसांनी दिलेली माहिती अशी की, सकाळी सात वाजण्याच्या सुमारास ‘मॉर्निंग वॉक’ साठी जाणाऱ्या नागरिकांना स्वामी नारायण मंदिराजवळील सेवा रस्त्याच्या कडेला एका तरुणाचा मृतदेह पोत्यात हात- पाय बांधलेल्या अवस्थेत दिसला.

त्यांनी तत्काळ पोलिसांना ही माहिती कळविण्यात आली. भारती विद्यापीठ पोलीस ठाण्याचे पोलिस घटनास्थळी दाखल झाले. खून झालेल्या तरुणाचे अंदाजे वय २५ ते ३० च्या आसपास असून मृत तरुणाला गोधडीमध्ये गुंडाळून त्याचे हात- पाय बांधून पोत्यामध्ये घालून मृतदेह ठेवण्यात आला होता.

तसेच हा मृत तरुण हा अर्धनग्न अवस्थेत आहे. दुसरीकडे खून करुन त्यानंतर त्याचा मृतदेह पोत्यात भरुन येथे टाकण्यात आल्याचा संशय असून अद्याप मृतदेहाची ओळख पटली नसून भारती विद्यापीठ पोलिस पुढील तपास करीत आहेत.

Related posts

पोलिसाने दारूच्या नशेत पाच जणांना उडवले; एकाचा मृत्यू

Vishal Khandagale

रंगाचा बेरंग करणाऱ्या १,४३३ घेतले ताब्यात!

Vishal Khandagale

भाजप नगरसेविकेच्या मुलाने पिस्तुलाने स्वत:वर झाडून घेतली गोळी

Vishal Khandagale

Leave a Comment

Pune City News
Latest Pune news, breaking news and local updates from Maharashtra. PUNE CITY NEWS – Your City, Your News.