आज पहाटे ३ वाजता रास्ता पेठ, येथील मद्रासी गणपती जवळील इमारतीमध्ये आग लागण्याची घटना घडली. यात ३ फ्लॅट्स व २ दुकाने जळाली. आगीत १ चारचाकी वाहनाचे नुकसान झाले. आग लागल्यानंतर ती काही वेळातच पसरली. घटनास्थळी अग्निशमन दलाने धाव घेत आग विझवली.
अग्निशमन दलाच्या ६ गाड्यांच्या साह्याने ही आग पुर्णपणे विझवली. यात कोणत्याही प्रकारची जीवितहानी झाली नाही. मात्र, फ्लॅट्स आणि दुकानांचे मोठ्या प्रमाणात नुकसान झाले आहे. मात्र आगीचे कारण समजू शकले नाही.
