दिल्ली :- प्रसिद्ध न्यूज अँकर रोहित सरदाना यांचे कोरोनाचा संसर्ग झाल्याने आज सकाळी निधन झाले. ते गेल्या काही कालावधीपासून झी न्यूज या वृत्तवाहिनीमध्ये न्यूज अँकर म्हणून कार्यरत होते. सरदाना यांचे निधन झाल्याची माहिती झी न्यूजचे मुख्य संपादक आणि मुख्य कार्यकारी अधिकारी सुधीर चौधरी यांनी ट्विट करून दिली.
Rest in peace Rohit. 🙏💐 https://t.co/Imv8aBqD5L
— Sudhir Chaudhary (@sudhirchaudhary) April 30, 2021
रोहित सरदाना हे आज तक वृत्तवाहिनीवर प्रसारित होणाऱ्या दंगल या शोचे अँकरिग करत होते. त्यांना 2018 मध्ये गणेश शंकर विद्यार्थी पुरस्काने सन्मानित करण्यात आले होते. त्यांना ह्रदयविकाराचा तीव्र झटका आला त्यामध्ये त्यांचे निधन झाले. याबाबतची माहिती देताना सुधीर चौधरी यांनी ट्विटमध्ये म्हटले, की ‘काही वेळापूर्वी जितेंद्र शर्मा यांचा फोन आला. त्यांनी जी बातमी दिली त्यानंतर माझे हात थरथरत होते. माझे मित्र आणि सहकारी रोहित सरदाना यांच्या मृत्यूची बातमी आली. हा व्हायरस आमच्यातील इतक्या जवळच्या व्यक्तीला घेऊन जाईल, ही कल्पनाही केली नव्हती. यासाठी मी तयार नव्हतो. हा देवाकडून अन्याय आहे…ॐ शान्ति…’
