गुन्हे विषयकमहाराष्ट्र

विघ्नहर गणपती मंदिर चोरी प्रकरणातील आरोपींना अटक

तीर्थक्षेत्र ओझर येथील विघ्नहर मंदिरातून गणपतीच्या मस्तकावरील सुवर्ण लेप लावलेली छत्री चोरी झाली होती. ती छत्री चोरणाऱ्या दोन दरोडेखोरांना आळेफाटा पोलिसांनी बेल्हा परिसरात दरोडा टाकताना रंगेहाथ पकडले आहे.

विठ्ठल पतवे (वय ४७) आणि सोन्या पतवे (वय २७) दोघेही. रा. अकोले या दोन आरोपींना अटक करण्यात आलेल्या दोघांची नावे असून त्यांचे बाकीचे साथीदार फरार आहेत. त्यांचा शोध घेण्याचे काम सुरू आहे.

या आरोपींकडून चॅापर, कोयता, पहाने, कटावणीव दुचाकी असे साहित्य जप्त केले आहे. अशी माहिती आळेफाटा पोलीस ठाण्याचे निरीक्षक टी. वाय. मुजावर यांनी दिली.

याबाबत माहिती अशी की, ओझरच्या विघ्नहर मंदिरातून २७ जुलैला साधारण दोन किलो वजनाच्या चांदीत घडवलेली सुवर्णलेपीत छत्री चोरट्यांनी पळवून नेली होती. तर गाभाऱ्यात असलेल्या दोन दानपेट्यांपैकी एक दानपेटी फोडून रक्कम लांबवली होती.

ही चोरी देखील याच आरोपींनी केल्याचे निष्पन्न झाले आहे. या गुन्ह्याच्या तपासासाठी आरोपींना ओतूर पोलिसांच्या ताब्यात देण्यात आले आहे. अधिक तपास सुरू आहे.

Related posts

आंतरजिल्हा एसटीची सेवा सुरू; ई पासची गरज नाही

Vishal Khandagale

कोरोना : बनावट सॅनिटायझरची विक्री: कारवाईचे; मंत्री डॉ.राजेंद्र शिंगणे यांचे निर्देश

Vishal Khandagale

न्या. दीपांकर दत्ता यांनी घेतली मुख्य न्यायमूर्ती पदाची शपथ

Vishal Khandagale

Leave a Comment

Pune City News
Latest Pune news, breaking news and local updates from Maharashtra. PUNE CITY NEWS – Your City, Your News.