गुन्हे विषयकपुणे

कॅनॉलमध्ये उडी घेऊन रिक्षा चालकाची आत्महत्या

PUNE CITY NEWS :- पुण्यातील सिंहगड रोड परिसरातील पोलीस स्टेशन हद्दीत राहणाऱ्या एका रिक्षा चालकाने कॅनॉलमध्ये उडी मारून आत्महत्या केल्याची घटना समोर आली आहे.

पोलिसांना कॅनॉलमध्ये एक मृतदेह आढळून आला आहे. मृतदेहाच्या खिशात चिट्ठी सापडली असून कोरोनाच्या धास्तीने आत्महत्या करीत असल्याचे त्यात नमूद केले आहे.

अनिल बाबुराव खाटपे (५४) असे आत्महत्या केलेल्या रिक्षाचालकाचे नाव आहे. याबाबत पोलिसांनी दिलेली माहिती अशी की, सोमवारी( २२)रोजी रात्री सिंहगड रस्त्यावरील कॅनॉलमध्ये मृतदेह असल्याची माहिती पोलिसांना मिळाली होती.

त्यानुसार पोलीसांनी घटनास्थळी जाऊन मृतदेह बाहेर काढला. मृतदेहाचा खिशात चिट्ठी सापडली असून त्यात “कोरोना आजार होऊन हालहाल होऊन मरण्यापेक्षा मी आत्महत्या करीत आहे असा उल्लेख आहे.

अनिल खाटपे धायरीतील गारमाळ परिसरात कुटुंबियांसह राहत होते. त्यांना दोन मुले आहेत. लॉकडाऊनमुळे मागील काही दिवसांपासून ते चिंतेत असल्याची माहिती कुटुंबियांकडून देण्यात आली आहे.

दरम्यान, सिंहगड पोलिसात याप्रकरणी आत्महत्येचा गुन्हा दाखल करण्यात आला आहे.

Related posts

नॉर्वेजियन वाणिज्य दूतावासातील प्रतिनिधी मंडळाची पुणे स्मार्ट सिटीला भेट

Vishal Khandagale

एकता कपूरच्या प्रतिमेला मारले जोडे

Vishal Khandagale

शिवाजीराव भोसले बँकेच्या मुख्य कार्यालयावर ईडीची धाड

Vishal Khandagale

Leave a Comment

Pune City News
Latest Pune news, breaking news and local updates from Maharashtra. PUNE CITY NEWS – Your City, Your News.