गुन्हे विषयक

खराडी परिसरात सराईत गुन्हेगाराचा खून

murder

पुण्यातील खराडी परिसरात एका गुंडाचा दगडाने ठचून खून झाल्याची घटना समोर आली आहे. पोलिसांनी घटनास्थळी धाव घेतली असून खराडी परिसरात एकच खळबळ उडाली आहे.

शैलेश घाडगे (वय ३३) असे खून झालेल्या सराईत गुन्हेगाराचे नाव आहे. याप्रकरणी चंदननगर पोलीस ठाण्यात गुन्हा दाखलचे काम सुरू आहे. खुनाचे कारण अद्याप अस्पष्ट असून पूर्व वैमनस्यातून हा खून झाला असल्याची शक्यता वर्तवली जात आहे.

याबाबत पोलिसांनी दिलेली माहिती अशी की, शैलेश घाडगे हा सराईत गुन्हेगार आहे. त्याच्यावर खून, खुनाचा प्रयत्न यासह अनेक गंभीर गुन्हे दाखल आहेत.

आज (सोमवारी) सकाळी खराडी परिसरात असणाऱ्या मोकळ्या मैदानालगत असणाऱ्या नैव्यद्यम हॉटेलच्या शेजारी एकजण रक्ताच्या थारोळ्यात पडला असल्याची माहिती नियंत्रण कक्षाकडून चंदननगर पोलिसांना मिळाली.

पोलिसांनी तात्काळ घटनास्थळी धाव घेतली. प्रथम त्याची ओळख पटत नव्हती. मात्र पोलिसांना तो शैलेश असल्याचे समजले. त्यांनी त्याच्या नातेवाईकांना बोलावून घेतले आहे.

हा प्रकार समोर येताच परिसरात खळबळ उडाली आहे. पोलीस नेमका हा खून कोणी केला याचा तपास करत आहेत.

Related posts

तरुणीची इमारतीवरून उडी मारून आत्महत्या

Vishal Khandagale

खंडणी विरोधी पथकाकडून 11 लाखाचे चरस जप्त, एकाला अटक

Vishal Khandagale

पुण्यात टेकडीवरून उडी मारून महिलेची आत्महत्या

Vishal Khandagale

Leave a Comment

Pune City News
Latest Pune news, breaking news and local updates from Maharashtra. PUNE CITY NEWS – Your City, Your News.