मुंबईत 24 तासांत पाच पोलिसांना कोरोना विषाणू ची लागण झाल्यामुळे कोरोनाबाधित पोलिसांची संख्या 15 वर गेली आहे.महाराष्ट्रत 23 पोलिसांना (सात अधिकारी व 16 कर्मचारी) कोरोनाची लागण झाली आहे. त्यापैकी 65 टक्के पोलिस मुंबईतील आहेत.मुंबई पोलिस दलाचे प्रवक्ते प्रणय अशोक यांनी कोरोनाबाधित पोलिसांच्या संख्येला दुजोरा दिला; मात्र अधिक माहिती देणे टाळले.
एकूण 15 पोलिस वसाहतींवर विशेष लक्ष ठेवण्यात येत असून, आतापर्यंत सहा पोलिस वसाहती सील करण्यात आल्या आहेत.विशेष लक्ष असलेल्या पोलिस वसाहतींमधील अधिकारी-कर्मचाऱ्यांच्या कुटुंबीयांची दिवसाआड वैद्यकीय तपासणी केली जात आहे. लक्षणे आढळणाऱ्या व्यक्तींवर तत्काळ उपचार करण्यात येत आहेत.सर्व पोलिस वसाहतींचे दरवाजे बंद करण्यात आले असून, येणाऱ्या-जाणाऱ्यांची कसून तपासणी सुरू आहे.
