Pune City News:- राज्यात शासनाच्या निर्देशानुसार रेड झोन व कंटेंनमेंट झोन वगळता इतर विभागामध्ये अटीशर्तींच्या अधीन राहून उद्या दि.22 मे पासून जिल्हा-अंतर्गत एसटी बससेवा सुरु होणार आहे.राज्यात जिल्हा-अंतर्गत बससेवा सुरु करण्याबाबतची माहिती परिवहन मंत्री व एसटी महामंडळाचे अध्यक्ष अॅड.अनिल परब यांनी दिली आहे.
◆अटीशर्तींच्या◆
▪️ 23 मार्चपासून गेले दोन महिने मुंबई व उपनगरात अत्यावश्यक सेवा वगळता एसटी बससेवा संपूर्ण महाराष्ट्रात बंद आहे.
▪️ राज्यशासनाने रेड झोन व कंटेंनमेंट झोन वगळता अटीशर्तींच्या अधीन राहून एसटी महामंडळाला जिल्ह्या-अंतर्गत एसटी बस सेवा सुरू करण्याची परवानगी दिली आहे.
▪️ जिल्ह्यातील निवडक मार्गावर उद्यापासून एसटी बस सेवा सुरु होत आहे. अर्थात, त्यासाठी खालील नियमांचे काटेकोर पालन करणे आवश्यक आहे.
? *काय आहेत अटी व शर्तीं?* :
▪️ जिल्हा-अंतर्गत सकाळी 7 ते संध्याकाळी 7 पर्यंत हि बस सेवा सुरु राहील.
▪️ प्रवासासाठीच्या बसेस सॅनिटायझरचा वापर करून निर्जंतुक केलेल्या असतील.
▪️ बसच्या एकूण क्षमतेच्या केवळ 50 % प्रवाशांनाच प्रवास करण्याची मुभा असेल.
▪️ जेष्ठ नागरिक व 10 वर्षाखालील लहान मुलांना बस प्रवासाची परवानगी असणार नाही.
▪️ प्रवास सुरु करताना प्रत्येकाने सॅनिटायझरने आपले हात निर्जंतुक करणे गरजेचे आहे.
▪️ प्रवासामध्ये प्रत्येक प्रवाशाने व एसटी कर्मचाऱ्याने तोंडाला मास्क लावणे आवश्यक आहे.
वरील अटी व शर्तींचे पालन करून प्रवाशांनी कोरोनाचा प्रादुर्भाव रोखण्यासाठी एसटी महामंडळाला सहकार्य करावे, असे आवाहन मंत्री, अॅड. अनिल परब यांनी केले आहे.
