पुणे महानगरपालिका आयुक्त विक्रम कुमार यांनी आज शुक्रवारी (दि. 18) सुधारित आदेश दिले आहेत.
पुणे महानगरपालिका क्षेत्रामध्ये अत्यावश्यक सेवा मधील दुकाने ही आठवड्यातील सर्व दिवस सायंकाळी सात वाजेपर्यंत सुरु राहतील.
- अत्यावश्यक सेवा मधील दुकाने वगळता इतर सर्व दुकाने, मॉल, सलून, ब्यूटी पार्लर, स्पा, शनिवार व रविवारी बंद राहतील.
- रेस्टॉरंट, बार, फुड कोर्ट हे शनिवार व रविवार फक्त पार्सल सेवा / घरपोच सेवेकरिता रात्री 11 पर्यंत सुरु राहतील.
- कृषी संबंधित दुकाने आणि त्यांच्याशी संबंधित आस्थापना (बी-बियाणे, खते, उपकरणे व त्यांच्याशी निगडीत देखभाल व दुरुस्ती सेवा इत्यादी) तसेच कृषी उत्पन्न बाजार समिती मधील शेतमालाची विक्री करणारी दुकाने / गाळे हे आठवड्यातील सर्व दिवस सुरु राहतील.
हा आदेश पुणे महानगरपालिका क्षेत्रामध्ये येणाऱ्या पुणे छावणी परिषद व खडकी छावणी परिषद यांना देखील लागू राहणार आहे.
वरील आदेशा व्यतिरिक्त इतर बाबींसाठी 11 जून रोजी दिलेल्या आदेशातील मार्गदर्शक सूचना लागू राहतील. हे बदल 18 जूनपासून लागू राहतील.
