पुण्यात आता सार्वजनिक ठिकाणी थुंकल्यावर ५०० ऐवजी १००० रुपये दंड आकाराला जाणार आहे. याबाबतचे आदेश महापालिका आयुक्त विक्रम कुमार यांनी काढले आहेत.
कोरोनाचा प्रादुर्भाव वाढल्याने पालिकेने सार्वजनिक ठिकाणी थुंकणाऱ्यांना २० मार्च पासून ५०० रुपये दंड आकारला जात होता.
त्यानंतर मात्र २८ ऑगस्टला विभागीय आयुक्तांनी या दंडाच्या रकमेत आणखी वाढ करावी व ती रक्कम १०००रुपये करावी,असे पत्र महापालिका प्रशासनाला पाठवण्यात आले होते. त्यानंतर ३१ ऑगस्ट ला यावर अंमलबजावणी करत ही रक्कम आता १००० रुपये करण्यात आली आहे.
त्यामुळे पुण्यात इथून पुढे सार्वजनिक ठिकाणी थुंकणाऱ्यांवर कारवाई करून त्यांच्याकडून एक हजारां चा दंड वसूल करण्यात येणार आहे.
