माजी मुख्य न्यायाधीश रंजन गोगोई यांनी आज (दि.19) राज्यसभेचे सदस्य म्हणून पद आणि गोपनीयतेची शपथ घेतली. यावेळी विरोधी पक्षांनी गदारोळ केला. गोगोई यांच्या शपथेच्या निषेधार्थ कॉग्रेसच्या खासदारांनी सभात्यागही केला.
माजी सरन्यायाधीश रंजन गोगोई आज शपथ घेण्यासाठी नियुक्त केलेल्या ठिकाणी दाखल होताच विरोधी खासदारांनी जोरदार घोषणाबाजी सुरू केली.देशाचे 46 वे सरन्यायाधीश गोगोई यांच्या शपथविधी दरम्यान काँग्रेसचे खासदार निेषेध नोंदवत सभागृहातून बाहेर पडले. राज्यसभेचे अध्यक्ष व्यंकय्या नायडू यांनी विरोधी पक्षातील खासदारांच्या या वर्तनाबाबत नाराजी व्यक्त केली.
