Pune City News :- लॉकडाउनच्या पार्श्वभूमीवर चिंचवड येथे चोरट्यांनी मेडिकलची चार दुकाने फोडली आहेत. ही घटना बुधवारी 1 एप्रिल रोजी पहाटे घडली.
चिंचवड येथील सन्मती मेडिकल, महावीर मेडिकल, रिव्हायवल मेडिकल आणि आणखी एक दुकान अशी फोडलेल्या दुकानांची नावे आहेत.
याबाबत पोलिसांनी दिलेल्या माहितीनुसार, दुचाकीवरून आलेल्या दोन चोरट्यांनी चिंचवड गावातील चार औषधाची दुकाने फोडली.शेवटचे रिव्हायवल या दुकानाचे शटर उचकटत असताना समोरील इमारतीमध्ये राहणाऱ्या एका नागरिकाने चोरट्यांना हटकले. यामुळे चोरटे दुचाकीवरून पळून गेले असल्याचे पोलिसांकडून सांगण्यात आले आहे. चोरीमुळे पोलिसांसमोरील आव्हान वाढत चालले आहे. याप्रकरणी अधिक तपास पोलीस करत आहेत.
