महंमदवाडी मध्ये पहाटेच्या सुमारास १० गायींची कत्तल करण्यात आली आहे. गोरक्षक टीम व कोंढवा पोलिसांनी पहाटे छापा टाकून हा प्रकार उघडकीस आणला.
दोन आरोपीना पोलिसांनी ताब्यात घेतले आहेत. अन्य आरोपींचा शोध घेतला जात आहे. सामाजीक कार्यकर्ते राजेंद्र भिंताडे व त्यांच्या सहकार्यांनी पोलिस व गोरक्षक पथकाला यावेळी महत्वाची मदत केली.
याबाबत मिळालेल्या माहितीनुसार, उंड्री कडनगर पेट्रोल पंपासमोर महंमदवाडी हद्दीतील मोकळ्या जागेतील एका बंद शेडमध्ये गायी, म्हैशी व अन्य जनावरांची कत्तल केली जाणार असल्याची खबर गोरक्षक सादिब मुलाणी, रुषीकेश कामठे यांच्या टीमला बातमीदाराकडून बातमी मिळाली होती.
पहाटे ३ वाजल्या पासून कोंढवा पोलिस ठाण्याचे पीएसआय चव्हाण व गोरक्षक टीम यांनी त्यांचा शोध घेण्यास सुरवात केली होती. अखेर एका बंद शेडमध्ये गायी व अन्य जनावरांची कत्तल करताना आरोपींवर छापा टाकण्यात आला. यावेळी दोन आरोपींना पकडण्यात पोलिसांना यश आले. अन्य आरोपी पळून गेले त्यांचा शोध कोंढवा पोलिस घेत आहेत.
