पुणे शहर :- अंडरवर्ल्ड डॉन छोटा राजनची पुतणी असल्याचं सांगून तरुणीने पुण्यातील एका व्यक्तीला 50 लाखांची खंडणी मागितली होती. या प्रकरणी एका आरोपीला यापूर्वी अटक केल्यानंतर पोलिसांनी आता संबंधित तरुणीला लष्कर पोलिसांनी अटक केली आहे.
या प्रकरणी प्रियदर्शनी निकाळजे हिने मार्च 2020 मध्ये एका व्यक्तीला 50 लाख रुपयाची खंडणी मागितील होती. आपण एका राजकीय पक्षाची जिल्हाध्यक्ष आहोत. तसंच छोटा राजनची पुतणी असून आमचा डीएनएही एक आहे. तुला जीव प्यारा असेल तर 50 लाख रुपये दे, अशी धमकी निकाळजेने दिली होती. या प्रकरणाची तक्रार आल्यानंतर पोलिसांनी गुन्हा दाखल केला. त्यानंतर पोलिसांनी सापळा रचून 25 लाखाची खंडणी स्वीकारताना धीरज साबळे याला रंगेहात पकडलं होतं. मात्र, मुख्य आरोपी प्रियदर्शनी निकाळजे मात्र फरार होती.
