PUNE CITY NEWS :- दोन दिवसांपूर्वी फेसबुकच्या माध्यमातून उपराष्ट्रपती व्यंकय्या नायडू आणि मध्यप्रदेशच्या माजी मुख्यमंत्री उमा भारती यांचा फोटो वापरुन फेसबुक पोस्ट करणाऱ्यावर बारामतीत पहिला गुन्हा दाखल करण्यात आला आहे.
अभाविपचे कार्यकर्ते वैभव सोलनकर यांनी याबाबत फिर्याद दिली आहे. पुजा झोळ या फेसबुक अकाऊंटवरून ही पोस्ट करण्यात आली असल्याचे वैभव सोलनकर यांनी म्हटले आहे.
यावर बारामती तालुका पोलिस ठाण्यात गुन्हा दाखल करण्यात आला आहे. भादवि कलम ५०५ (२) प्रमाणे हा गुन्हा दाखल करण्यात आला आहे.
याबाबत वैभव सोलनकर यांनी सांगितले की, हा तर लोकशाहीचा अतिरेक झाला आहे. पोस्ट करणारी महिला असून माजी महिला मुख्यमंत्र्यावरती असे स्पष्टीकरण देणे चुकीचे आहे.
