टोकियो गेम्सच्या नवीन तारखांमुळे उर्वरित पात्रता फेरीचे वेळापत्रक त्वरित नियोजित करण्यासाठी दबाव राहणार नाही असे आंतरराष्ट्रीय ऑलिंपिक समितीने (आयओसी) सांगितले.
आयओसीने स्पष्ट केले की, खेळाडूंना “योग्य संधी” आणि “तयारीसाठी योग्य वेळ” दिल्याशिवाय कोणतीही पात्रता स्पर्धा घेण्यात येणार नाही.
जगभरात पसरलेल्या कोरोना व्हायरसमुळे पुढे ढकलण्यात आलेली २०२०ची टोकियोतील ऑलिंपिक्सच्या नवीन तारखा (२३ जुलै ते ८ ऑगस्ट) जाहीर झाल्या आहेत.
“टोकियो ऑलिम्पिक स्पर्धा २०२० च्या जुलै २०२१ पर्यंत पुढे ढकलण्यात आल्यानंतर आम्ही उर्वरित पात्रता कार्यक्रमांचे वेळापत्रक त्वरित नियोजित करण्याच्या गरजेबाबतचे दबाव काढून टाकले आहे आणि संबंधित आयएफ (इंटरनॅशनल फेडरेशन) समवेत या स्पर्धेच्या वेळापत्रकात पुनर्विनिमय करण्यात आम्ही आवश्यक तेवढा वेळ घेऊ,” असे आयओसीने एका निवेदनात म्हटले आहे.
ऑलिम्पिक पात्रता स्पर्धांच्या निलंबनासंदर्भात आयओसीने कोरोनाच्या संक्रमणामुळे उद्भवणार्या परिस्थितीचे योग्य मूल्यांकन केले जाईपर्यंत कोणत्याही पात्रता स्पर्धेचे वेळापत्रक न ठरवण्याचा सल्ला दिला आहे.
जोपर्यंत स्पर्धक आणि संघांसाठी योग्य प्रवेश संधी आणि उचित तयारीची हमी देत नाही तोपर्यंत यापुढे कोणत्याही पात्रतेचे कार्यक्रम शेड्यूल केले जाणार नाहीत.
