पुणे – दि. ४ सप्टेंबर २०२५ रोजी वाहतूक शाखेने प्रसिद्ध केलेल्या आदेशानुसार यंदाच्या गणेश विसर्जन मिरवणुकीदरम्यान पुण्यातील महत्त्वाचे रस्ते बंद ठेवण्यात येणार असून विविध पर्यायी मार्गांचा वापर करण्याचे आवाहन करण्यात आले आहे. ही वाहतूक योजना ६ सप्टेंबर रोजी सकाळी ९ वाजल्यापासून ७ सप्टेंबर रोजी विसर्जन मिरवणूक संपेपर्यंत अंमलात राहणार आहे.
🚫 वाहतुकीसाठी बंद राहणारे मार्ग
लक्ष्मी रोड, तुळशीबाग चौक, मानाचा तिसरा गणपती गुरुजी तालीम परिसर, बेलबाग चौक, अप्पा बळवंत चौक, नागार्जुन रोड, नवी पेठ, टिळक रोड, जिल्हा परिषद चौक ते अण्णा भाऊ साठे चौक, शनिपार पेठ, मंडई चौक परिसर, नगरसेवक तालीम चौक, लोकमान्य टिळक पुतळा चौक तसेच अप्पा बळवंत चौक – बेलबाग चौक दरम्यानचे रस्ते बंद राहतील.
🔀 वाहतुकीचे वळवलेले मार्ग ….हलकी वाहने व दुचाकी ६ सप्टेंबर रोजी सकाळी १० नंतर पर्यायी रस्त्यांवर वळवली जातील. १२ वाजल्यानंतर टिळक रोड, लक्ष्मी रोड, मंडई परिसर, शनिपार पेठेतून जाणारी वाहतूक पूर्णपणे दुसऱ्या मार्गाने नेण्यात येईल. सर्व प्रमुख चौकांवर वाहतूक पोलीस तैनात केले जातील.
🅿️ पार्किंग बंदी ….६ सप्टेंबर सकाळी ८ वाजल्यापासून ते विसर्जन मिरवणूक संपेपर्यंत लक्ष्मी रोड, टिळक रोड, मंडई परिसर व प्रमुख मार्गांवर पार्किंग बंदी असेल. नियम मोडणाऱ्यांची वाहने क्रेनने उचलून दंड आकारला जाणार आहे.
📌 विशेष अंमलबजावणी ….विसर्जनदरम्यान विविध कायद्यांनुसार नियंत्रण ठेवले जाईल. ४८ तास मनाई आदेश लागू राहील. दगडूशेठ गणपती ते लक्ष्मी रोड परिसरात संध्याकाळी ६ ते रात्री १२ दरम्यान सर्व वाहतूक बंद राहील. आपत्कालीन सेवांसाठी स्वतंत्र व्यवस्था उपलब्ध असेल.
🚌 पर्यायी मार्गांचा वापर ….कात्रज बायपास, सातारा रोड, JM रोड, FC रोड, सासवड रोड, सोलापूर रोड, नगर रोड या मार्गांचा वापर करण्याचे आवाहन करण्यात आले आहे. PMPML बस तसेच खासगी वाहने यांनाही पर्यायी रस्त्यांचा वापर बंधनकारक असेल.
