आजपासून देशात कोरोनाच्या लसीकरणाला सुरुवात करण्यात येणार आहे. या लसीकरणासाठी महापालिका प्रशासन सज्ज झाले आहे.
तसेच पुण्यामध्ये 8 रुग्णालयात लसीकरण करण्यात येणार असल्याची माहिती महापौर मुरलीधर मोहोळ यांनी दिली आहे. ही वैद्यकीय सेवेत काम करणाऱ्या 800 कर्मचाऱ्यांना लसीकरण करण्यात येणार आहे.
पहिल्या टप्प्यात सरकारी, निमसरकारी व खासगी क्षेत्रात काम करणार्या आरोग्य कर्मचार्यांना लस देण्यात येणार आहे. यानंतर दुसर्या टप्प्यात महापालिकेचे कर्मचारी, पोलीस, नागरिक संरक्षण दल, गृहरक्षक दलातील अधिकारी व कर्मचार्यांना लस देण्यात येईल.
यानंतर पन्नास वर्षे वयावरील व्यक्तींना आणि शेवटच्या टप्प्यात सामान्य नागरिकांचे लसीकरण केले जाणार आहे. पहिल्या टप्प्यासाठी महापालिका कार्यक्षेत्रातील सर्व आरोग्याधिकारी व कर्मचार्यांची यादी तयार करण्यात आली आहे.
प्रत्येक बूथवर 1 लस देणारा, दोन पर्यवेक्षक आणि एका सुरक्षारक्षकासह पाच जणांची टीम असणार आहे. पोर्टलवर ज्यांनी नोंदणी केली आहे, त्यांना लसीकरणाचा दिनांक आणि वेळीची माहिती एसएमएसद्वारे पाठवण्यात येणार आहे.
