पिंपरी चिंचवड शहरातील वायसीएम रुग्णालयाला ऑक्सिजनची कमतरता भासू नये यासाठी नव्याने उभारण्यात आलेल्या २० केएल ऑक्सिजन टँकला शासनानकडून परवानगी देण्यात आली आहे.
त्यामुळे वायसीएमसाठी पहिला १० केएल आणि आताच नवीन २० केएल असा एकूण ३० केएल ऑक्सिजन उपलब्ध होणार आहे. सध्या वायसीएम रुग्णालयात नवीन जवळपास १२५ ऑक्सिजन बेड उपलब्ध होणार आहे. पुढील आठवड्यापर्यंत हे काम पूर्ण होणार आहे.
या नव्याने तयार करण्यात आलेल्या २० केएल ऑक्सिजनमुळे रुग्णांना ऑक्सिजन वेळेत उपलब्ध होणार आहे. या ऑक्सिजन टँकमुळे ऑक्सिजन बेडची संख्याही वाढणार आहे. आणि हे ऑक्सिजन बेड कायमस्वरूपी उपलब्ध होणार असल्याने रुग्णांना याचा फायदा होणार आहे.
