कोरोनाच्या पार्श्वभूमीवर राज्यात 11 एप्रिल रोजी होणारी राज्य सेवा परीक्षा पुढे ढकलण्यात आली आहे.
▪️ 11 एप्रिल रोजी होणारी परीक्षा पुढे ढकलावी अशी मागणी सर्व स्तरातून होत होती. त्या पार्श्वभूमीवर मुख्यमंत्री उद्धव ठाकरे यांनी आज बैठक बोलावली होती.
▪️ राज्यातील कोरोना स्थिती लक्षात घेऊन या परीक्षेच्या तारखा एमपीएससी मार्फत नव्याने घोषित केल्या जाणार असल्याचे मुख्यमंत्री ठाकरे यांनी स्पष्ट केले.
▪️ राज्यातील परिस्थिती पाहता विद्यार्थ्यांची सुरक्षितता लक्षात घेऊन विविध राजकीय पक्षांचे यासंदर्भातील मत आणि मागण्या विचारात घेऊन हा निर्णय एकमताने घेण्यात आला.
▪️ परीक्षा पुढे ढकलल्याने परीक्षार्थी विद्यार्थ्यांचे कोणतेही नुकसान होणार नाही, तसेच परीक्षा फॉर्म भरतांनाचे विद्यार्थ्यांचे वय गृहित धरले जाणार असल्याने वयाची अडचण येणार नसल्याचे बैठकीत स्पष्ट करण्यात आले.
▪️ मुख्यमंत्री, उपमुख्यमंत्री अजित पवार, महसूल मंत्री बाळासाहेब थोरात आणि अधिकारी यांच्यात व्हिडीओ कॉन्फरन्सिंगमार्फत बैठक पार पडली.
▪️ दरम्यान, 11 एप्रिलला होणारी MPSC परीक्षा पुढे ढकलण्याचा निर्णय बैठकीनंतर घेण्यात आला आहे.
