नवले रुग्णालयामधील कर्मचाऱ्यांनी डिसेंबर महिन्यापासून वेतन न मिळाल्यामुळे कामबंद आंदोलन !

विशेष म्हणजे, या रुग्णालयात 80 कोरोनाबाधितांवर उपचार होत आहेत. तर 60 जण आयसोलेशन वॉर्डात आहेत. कर्मचाऱ्यांनी अचानक आंदोलन पुकारल्यामुळे रुग्णांची मोठी गैरसोय होत आहे.लॉकडाऊन काळात कामावर न आलेल्या सुमारे 200 जणांना कामावरून काढून टाकले आहे. कर्मचाऱ्यांचे गेल्या अनेक महिन्यापासून पगार देण्यात आलेले नाही. नेहमी केवळ आश्वासने दिली जातात. त्यामुळे कामबंद आंदोलन सुरु केल्याचे कर्मचाऱ्यांनी म्हटले आहे.रुग्णालयाच्या समोर मोठ्याप्रमाणात हे कर्मचारी जमा झाले आहेत. यामुळे रुग्णांची मात्र मोठी गैरसोय होताना दिसत आहे.