Pune City News:- जनवाडी परिसरातील फकीर गल्लीत गाव गुंडांच्या टोळक्यांनी मोठी दहशत निर्माण केली आहे.
गावगुंडांच्या टोळीने परिसरातील मोठ्या प्रमाणात दुचाकी, चारचाकी आणि ऑटो रिक्षा वाहनांची तोडफोड केली आहे.
गुंडांच्या या दहशतीने परिसरातील नागरिकांमध्ये भीतीचे वातावरण पसरले आहे.
या टोळीने आतापर्यंत परिसरातील जवळपास 25 – 30 वाहनांची दगड आणि कोयत्याने तोडफोड केली आहे.
गुंडांच्या टोळक्यावर पोलिसांचा वचक नसल्याने अशा प्रकारे वाहनांची तोडफोड करत असल्याचे नागरिकांनी म्हंटले आहे.
पोलिसांनी लवकरात लवकर या गुंडांचा बंदोबस्त करण्याची मागणी नागरिकांनी केली आहे.
